Brazılııada naızaǵaıdan 72 adam zardap shekti

ASTANA. KAZINFORM — Brazılııa astanasynda buǵan deıin birneshe aıyppen sottalǵan eldiń burynǵy prezıdenti Jaır Bolsonarýny qoldaý aktsııasy kezinde 72 adam naızaǵaıdan zardap shekti. Bul týraly jergilikti BAQ jarııalady, dep habarlaıdy RIA Novostı.

— Jeksenbi kúni tústen keıin Brazılııada narazylyq bildirýshilerdi naızaǵaı soǵyp, jaraqat aldy. Olar memlekettik aýrýhanalarǵa jetkizildi, — dep jazdy jergilikti BAQ.

Medıtsına qyzmetkerleri 72 adamǵa kómek kórsetken. Olar eń aldymen qoly men ishi kúıip qalǵan 29 adamdy aýrýhanaǵa jetkizdi, 8-niń jaǵdaıy aýyr. Qalǵandaryna oqıǵa ornynda medıtsınalyq kómek kórsetildi.

Mıtıng jańbyr jaýyp turǵan ýaqytta Jýselıný Kýbıchek memorıalynyń janyndaǵy alańda ótken. Munda júzdegen adam jınalyp, burynǵy prezıdenttiń saıası odaqtastarynyń kelýin kútti.

Aıta keteıik, osyǵan deıin Rýandanyń shyǵysynda 15 adamdy naızaǵaı soqqany týraly jazdyq.