Brazılııada laı kóshkinniń saldarynan on adam qaza boldy
RIO-DE-JANEIRO - Rıo-de-Janeıro qalasy mańyndaǵy Nıteroı kentinde laı kóshkinniń saldarynan on adam qaza tapty, dep habarlaıdy «QazAqparat» HAA Euronews.com-ǵa silteme jasap.
Tórt adam iz-tússiz joǵaldy. Toǵyz úı men dámhana qıraǵan. Oqıǵa ornynda qutqarýshylar jumys istep jatyr. Olar úıindi astynda qalǵandardy izdep júr.
Qaıǵyly oqıǵa 11 qarasha kúni tańǵy saǵat 04.00-diń shamasynda bolǵan. Brazılııa astanasynda sońǵy birneshe kún jaýǵan nóser jańbyr laı kóshkinniń júrýine sebepshi bolǵan.
Qazirgi kezde on bir adam, sonyń ishinde bir náreste qutqaryldy.
«Men nemeremdi qutqardym. Qyzym, eki nemerem, eki tanysym aýrýhanada jatyr. Toǵyz aılyq nemerem de sonda», - dedi tabıǵat apatynan zardap shekken brazılııalyq.
Laı kóshkin - Rıo-de-Jaıneroda jıi bolady. Soǵan qaramastan, adamdar ruqsat etilmegen jerlerde, taý betkeılerine úı salady. 2011 jyly elde sý tasqyny men laı kóshkin saldarynan 900-ge jýyq adam qaza boldy.
