Brazılııada kúmis tústi maımyl tabyldy
ASTANA. QazAqparat - Brazılııa ǵalymdary Amazonka djýnglıinde sońǵy tórt jyldyń ishinde buryn belgisiz bolyp kelgen 155 janýardyń jáne birneshe ósimdiktiń túrin tapty.
Olardyń tiziminde 112 órmekshi, 12 balyq, 10 qus, 4 masa túri bar. Ásirese, kishkene qulaqty maımyldyń tabylýy sensatsııaǵa aınalyp otyr.
Munyń taǵy bir ereksheligi - júniniń túsi kúmis tárizdes ekendiginde. Ony jergilikti BAQ «kúmis maımyl» dep atap ta úlgerdi. Bul janýar tek qana Mamora, Madeıra jáne Parana ózenderiniń aralyǵynda ǵana kezdesedi eken.
Atap óter jaıt, anyqtalǵan barlyq janýarlardy Emılıo Goeldı mýzeıiniń zertteý ınstıtýtynyń ǵalymdary taýyp otyr.
