Brazılııada koronavırýstan 81 myń adam kóz jumdy
SAN-PAÝLÝ-RIO-DE-JANEIRO. QazAqparat – Brazılııa prezıdenti Jaır Bolsonarý koronavırýsqa qan taldaýyn tapsyrdy, dep habarlaıdy QazAqparat Reuters agenttigine silteme jasap.
Brazılııa koronavırýs pandemııasynan qatty zardap shekken elder tiziminde Amerıka Qurama Shtattarynan keıingi ekinshi orynda tur.
Densaýlyq saqtaý mınıstrliginiń statıstıkasy boıynsha, Balsonarý koronavırýs anyqtalǵan 2,2 mıllıon turǵynnyń biri. Brazılııada COVID-19-dan 81 000 adam kóz jumdy.
Eske sala ketsek, 7 shilde kúni Balsonarýdyń koronavırýsqa tapsyrǵan qan taldaýy prezıdenttiń vırýs juqtyrǵanyn anyqtady. Ótken aptada tapsyrǵan ekinshi taldaý da koronavırýs bar ekenin kórsetti.
Buǵan deıin Balsonarý koronavırýs ınfektsııasymen kúreste tıimdiligi dáleldenbegen «gıdroksıhlorohın» preparatyn qoldanǵanyn habarlaǵan. Preparatty AQSh prezıdenti Donald Tramp ta jarnamalaǵan bolatyn. Onyń oıynsha, bul dári aýrýdyń jeńil ótýine kómektesedi.
Brazılııa prezıdenti jaǵdaıynyń jaqsy ekenin aıtyp, tipti juma kúni eldiń soltústik-shyǵysyndaǵy Pıaýı shtatyna saparlap barýdy josparlap otqanyn jetkizdi.
