Brazılııada koronavırýstan 150 myńnan astam adam qaıtys bolǵan
RIO-De-JANEIRO. TASS-QazAqparat – Brazılııada COVID-19 vırýsynan qaıtys bolǵandar sany 150 198 adamǵa jetti, olardyń 559-y ótken táýlikte kóz jumǵan. Bul týraly eldiń densaýlyq saqtaý mınıstrligi jarııalady, dep habarlaıdy QazAqparat TASS agenttigine silteme jasap.
Elde ınfektsııa juqtyrý jaǵdaılarynyń jalpy sany 5 082 637. Sońǵy 24 saǵatta 26 749 patsıentten koronavırýs anyqtalǵan. Vedomstvonyń málimeti boıynsha aýrýǵa shaldyqqandardyń 85%-dan astamy (4 453 722) saýyǵyp shyqqan, taǵy 478 717 adam dárigerlerdiń baqylaýynda.
Munda alǵashqy koronavırýs juqtyrý jaǵdaıy 26 aqpanda anyqtalǵan. Brazılııa álemde vırýsqa shaldyǵý jaǵdaılary sanynyń kóptiginen AQSh pen Úndistannan keıin úshinshi orynda. Koronavırýstan kóz jumǵandar sany boıynsha Qurama Shtattardan keıingi ekinshi orynda tur.
