Brazılııada koronavırýs qurbandarynyń sany artyp jatyr
BRAZILIıA. QazAqparat – Brazılııada koronavırýstan qaıtys bolǵandar sany 67 964-ke jetti, al jalpy vırýs juqtyrǵandar 1 713 160 boldy, dep habarlaıdy QazAqparat Agencia Brasil agenttigine silteme jasap.
Ólim koeffıtsıenti (juqtyrý jaǵdaıyna shaqqandaǵy ólim sany) 4%-dy qurady. 100 myń adamǵa shaqqandaǵy ólim 31,8%-ǵa jetti.
Brazılııada COVID-19-dan bolǵan ólim sany kóp tirkelgen aımaq – ońtústik-shyǵys (30 518), soltústik-shyǵys (21605), soltústik (10 115), ortalyq-batys (2 442) jáne batys (2061).
Brazılııalyq 27 shtattyń ishinde San-Paýlý (16 475), Rıo-de-Janeıro (10 881) – ekeýi de ońtústik-shyǵysta - Seara (6556), Para (5.128) jáne Pernambýkýda (5234) ólim deńgeıi joǵary. Matý-Grosý-dý-Sýl (128), Tokantıns (228), Roraıma (376), Akra (399) jáne Santa-Katarına (419) – vırýstan bolǵan ólim kórsetkishi az shtattar.
Densaýlyq saqtaý mınıstrliginiń málimeti boıynsha, Brazılııa koronavırýs juqtyrý jáne ólim sany boıynsha álemde AQSh-tan keıingi ekinshi orynda tur. Djon Hopkıns ýnıversıtetiniń jahandyq kartasyna sáıkes, AQSh-ta 3 054 699 adam jańa dertke shaldyqqan.
Koronavırýs juqtyrý boıynsha Úndistan úshinshi orynda tur. Onda 767 296 jaǵdaı tirkelgen. Infektsııaǵa shaldyqqan 99 749 adammen Reseı tórtinshi orynda. Bestikti Perý qorytyndylap tur. Sońǵy málimet boıynsha, onda vırýsqa shaldyqqandar – 312 911.
Qazirgi ýaqytta álemde 12 041 480 adam jańa koronavırýsty juqtyrǵan.
