Brazılııada qazaqstandyq maman fýtzal álemindegi bedeldi marapatqa ıe boldy
ALMATY. KAZINFORM – Brazılııanyń Foz-dý-Igýasý qalasynda álemdegi fýtzaldyń jetekshi ókilderin biriktirgen Mundo do Futsal Experience 2025 halyqaralyq forýmy ótti.
Halyqaralyq forým qonaqtary qatarynda fýtzal áleminiń tanymal ókilderi, sonyń ishinde aty ańyzǵa aınalǵan brazılııalyq oıynshy Falkao, jetekshi bapkerler, sarapshylar jáne úzdik klýbtardyń ókilderi boldy. Saltanatty jıyn aıasynda álemde fýtzaldyń damýyna úles qosqan úzdik mamandar men klýbtar marapattaldy.
Іs-sharaǵa arnaıy qatysqan almatylyq «Qaırat» fýtzal klýbynyń prezıdenti Qaırat Orazbekov halyqaralyq fýtzaldyń damýyna qosqan úlesi úshin arnaıy nomınatsııamen marapattaldy. Odan bólek forýmǵa klýbtyń sporttyq dırektory Gýstavo Paradeda da qatysyp, álemdik fýtzal qaýymdastyǵy ókilderimen tájirıbe almasyp, kásibı kezdesýler ótkizdi.
Aıta ketken jón, Mundo do Futsal Experience — fýtzal salasyndaǵy jetekshi mamandar, klýb basshylary men sarapshylar bas qosatyn halyqaralyq alań.
Buǵan deıin «Qaırat» fýtzaldan Chempıondar lıgasynyń shırek fınalyna shyqty.