Brazılııada qatty ystyqta fýtbol oınaýǵa tyıym salynýyn talap etýde - ÁCh-2014
ASTANA. QazAqparat - Brazılııanyń fýtbolshylar kásipodaǵy Halyqaralyq fýtbol federatsııasynan (FIFA) aldaǵy álem chempıonaty kezinde qatty ystyqta fýtbol oınaýǵa tyıym salýyn talap etýde, dep jazady RIA Novostı.
Álem chempıonaty osy jyldyń 12 maýsym - 13 shilde aralyǵynda Brazılııanyń 12 qalasynda ótedi: Rıo-de-Janeıro, Resıfı, Salvador, San-Paýlý, Portý-Alegrı, Manaýs, Fortaleza, Natal, Belý-Orızontı, Brazılıa, Kýıaba, Kýrıtıba.
Salvador, Resıfı, Fortaleza, Natal, Manaýs, Brazılıa jáne Kýıaba syndy qalalarda kúndiz aýa temperatýrasy 30 gradýstan asyp ketedi. Oıynshylar kásipodaǵynyń pikirinshe, bundaı aptap ystyqta oınaý fýtbolshylardy nevrologııalyq aýrýlarǵa shaldyqtyrýy, tipti ólimine sebepker bolýy múmkin.
FIFA bul talappen kelisken jaǵdaıda mýndıaldyń 19 matchynyń kestesin ózgertýge týra keledi.
