Brazılııada karnaval ótip jatyr
ASTANA. 10 aqpan. QazAqparat - Brazılııada júzdegen myń adam eń kóńildi ári eń ásem merekelik karnavalǵa shyqty.
Ońtústik amerıkalyq memlekettiń nyshany sanalatyn sherý Rıo-de-Janeırodan bastaý alyp, eldiń ózge de qalalarynda jalǵasyn tabady. Bul sharaǵa tek Rıo-Grand-dý-Sýl qalasy qatyspaıtyn boldy. Sebebi onyń halqy KISS túńgi klýbynyń órti kezinde qaza tabýyna oraı qara jamylyp otyr.
Bunyń karsańynda Rıo-de-Janeıro meri Edýardo Paes qalanyń kiltin tórtkúndik karnavaldyń basqarýshysy - Momo korolge úlken qurmetpen tabys etken bolatyn. "Monarh" alǵashqy jarlyǵyn da shyǵaryp úlgerdi - "barlyǵy kóńil kótersin".
Rıodaǵy sherýge qalanyń ozyq samba bı mektebiniń ókilderi qatysýda. Associated Press habarlaýynsha, sharany tamashalaýǵa jarty mıllıon týrıst kelmek. Saýyqshyl brazılııalyqtar bul merekeni aıryqsha jaqsy kóredi. Sebebi, bir aptaǵa sozylatyn mereke kezinde eshkim jumys istemeıdi. Ataqty samba bı mektebiniń músheleri karnaval aıasynda án shyrqap, bı bılep, ózara saıysqa túsedi. Al, jyldyń eń úzdik mektebin arnaıy qazylar alqasy anyqtaıdy.
