Brazılııada qańǵybas ıtterge arnalǵan qala paıda boldy
ASTANA. 14 qyrkúıek. QazAqparat - Brazılııanyń mıllıondaǵan kedeıi brazııalyq qyrattar basyp turǵan lashyqtarda turady.
Osyndaı lashyqtarǵa adamdardy emes, qańǵybas janýarlardy qonystandyrýdy eldiń ońtústigindegi Kashıas-dý-Sýl qalasynda oılap tapty. Bul týraly Daily Mail habarlady.
Tastandy nemese uryp-soǵylǵan tórt aıaqtylarǵa arnalǵan biregeı baspana eriktilermen 1998 jyly quryldy. Keıin birtindep aımaǵyn keńeıtip, júzdegen úıshikteri men kúrkesheleri bar naǵyz qalashyqqa aınaldy. Búginde 1,2 gektarda ornalasqan bul jerde 1600 ıt pen 200 mysyq panalaýda. Olardyń deni kósheden ákelindi, keıbiri adamdardyń qolynan japa shekti. Jergilikti turǵyndar atap ketken «Itter favelasy» qashanda tolyq. Onyń jańa qonystanýshylary kúndelikti túsip jatady.
Qalashyqty odan ári ulǵaıtyp, janýarlarǵa kútim jasaý úshin eriktiler úkimetten qarjylyq kómek surady. Qyzmetkerlerdiń sózine qaraǵanda, janýarlar bir aıda 12 tonna tamaq jeıdi.
