Brazılııada iz-túzsiz joǵalyp ketken jýrnalıst pen gıd izdestirilip jatyr
NUR-SULTAN. QazAqparat – Brazılııada ótken jeksenbiden beri iz-túzsiz joǵalyp ketken jýrnalıst pen jergilikti halyqtardyń mádenıetin zerttep júrgen sarapshy izdestirilip jatyr. Brıtandyq Dom Fılıps pen brazılııalyq Brýno Pereır Perýmen shekaraǵa jaqyn mańdaǵy Javarı nýynda joǵalǵan, dep habarlaıdy QazAqparat Euronews-ke silteme jasap.
«Biz tergeý nusqalarynyń birde-birin eleýsiz qaldyrmaımyz. Eki basty baǵytymyz bar. Іzdeý toqtaǵan joq. Qylmys ta jasalǵan bolýy múmkin», - deıdi Amazonas shtaty polıtsııasynyń bastyǵy Aleksandr Edýardo Fontes.
Búginge deıin polıtsııaǵa 6 adam habar aıtqan.
Jergilikti halyqtar isi jónindegi agenttik ókili Marselo Ksave Vale-dý-Javarıdiń aýmaǵy eki Portýgalııa terrıtorııasyna teń ekenin jáne bul aımaqtyń asa qonaqjaı emesin esekerý kerektigin alǵa tartady.
«Eki adam ǵana bolyp, qaýipsizdik organdaryna resmı túrde eskertpesten, jergilikti halyqtar turatyn aýmaqqa kirip ketkeni qıyn jaǵdaı bolyp tur», - deıdi ol.
Adamdar Dom Fılıps pen Brýno Prereıranyń sońǵy ret qaıyqpen serýen quryp júrgenin kórgen. Olardyń izinen ergen er adamdy saqshylar ustap, keıinnen bosatqan.
