Brazılııada ıt qoqys arasyna tastalǵan náresteni qutqardy
ASTANA. QazAqparat - Brazılııada jańa týǵan sábıdi ıt qutqaryp qaldy. BAQ habarlaýynsha, ıt úıilgen qoqystardyń ishinen jańa týǵan náresteni taýyp alyp, onytisimen abaılap qana tistep óziniń ıesine ákelgen.
Áıel sábıdiń denesindegi qan izderin kórip, onyń jańa ǵana jaryq dúnıe esigin ashqanyn túsingen. Dereý balany jaqyn mańdaǵy aýrýhanaǵa apardy. Dárigerler sharanany aman alyp qaldy. Onyń jaǵdaı qalypty dep baǵalanýda. Tergeý nusqasyna qaraǵanda, ıt anasynyń balasyn qaldyq tastalatyn jerge qaldyrǵanyn kórgen de dereý qazyp alǵan. Sóıtip sábıdi ajaldan alyp qalǵan.
Náresteniń anasy kóp uzamaı tabyldy. Ol jergilikti turǵyn bolyp shyqty. Endi oǵan sot aldynda jaýap berýge týra keledi.
