Brazılııada iri avtokólik apaty boldy: 33 adam qazaǵa ushyrady
ASTANA. 4 jeltoqsan. QazAqparat - Brazılııanyń soltústik-shyǵysynda bolǵan avtokólik apaty saldarynan keminde 33 adam qazaǵa ushyrady jáne onǵa tarta adam jaralandy.
Qaıǵyly oqıǵa senbi kúni tańerteń Bahıa shtatynyń Mılagres qalasy mańynda oryn aldy.
Jergilikti ókimet oryndarynyń aqparatyna qaraǵanda, júk mashınasy men avtobýs soqtyǵysqan.
Polıtsııa tergeý sharalaryn júrgizýde. Aldyn ala boljam boıynsha, júk mashınasy basqarýdan aıyrylyp qalyp, qatty ekpinmen avtobýspen soqtyǵysqan.
Alaıda kýágerler apattyń aldynda taǵy bir soqtyǵysý oryn alǵanyn aıtady: olardyń aıtýynsha, úshinshi kólik quraly avtobýsty soqqan, sodan keıin baryp ol júk mashınasyna soqtyǵysqan.
