Brazılııada indetke shaldyqqandar sany 2 mıllıonnan asty
BRAZILIA. QazAqparat – Pandemııa bastalǵannan beri búkil álemde SARS-CoV-2 koronavırýsyn 13,9 mln adam juqtyryp, 591 myńnan astam adam qaıtys boldy. 8,2 mln astam patsıent jazyldy, dep habarlaıdy QazAqparat DW-ǵa silteme jasap.
Álem qaýymdastyǵy SARS-CoV-2 koronavırýsyna qarsy kúresti jalǵastyryp keledi. Pandemııa bastalǵaly ǵalamshardyń 13,9 mln astam turǵynynan ınfektsııa anyqtalǵan. Іndet juqtyrý saldary men odan bolatyn COVID-19 ókpe dertinen 591 myńnan astam adam qaıtys bolǵan, 8,2 mln astam naýqas jazyldy. Bul - Worldometer halyqaralyq eriktiler tobynyń málimeti.
Beısenbi kúni AQSh-tyń aýrýlardy baqylaý jáne aldyn alý ortalyqtary (CDC) AQSh aýmaǵynda jumys isteıtin krýızdik kompanııalardyń júzýine salǵan tyıymdy qyrkúıek aıynyń sońyna deıin sozdy. Eger AQSh Densaýlyq saqtaý mınıstrliginiń basshysy qoǵamdyq densaýlyq saqtaý salasynda COVID-19 indetine baılanysty tótenshe jaǵdaıdy alyp tastasa, bul tyıym alynatyny da atap ótiledi.
Robert Koh atyndaǵy ınstıtýttyń (RKI) málimetinshe, sońǵy táýlikte Germanııada SARS-CoV-2 juqtyrýdyń 583 jańa oqıǵasy anyqtaldy. Epıdemııa bastalǵaly tirkelgen oqıǵalardyń jalpy sany 200 843 adamǵa deıin ósken. COVID-19 indetinen 9082 patsıent kóz jumdy.
AQSh-ta bir kúnde aýrý juqtyrýdyń jańa eń joǵary kórsetkishi tirkelgen - 75255 oqıǵa. Maýsym aıynda ol 30 myńnan aspaǵan edi. Sarapshylar kóp uzamaı táýligine aýrýǵa 100 myń adam shaldyǵatynyna qaýiptenip otyr.
