Brazılııada Grekııa elshisiniń órtengen kóliginen máıiti tabyldy
ASTANA. QazAqparat - Rıo-de-Janeıro polıtsııasy joǵalǵan Grekııa elshisiniń órtengen kóliginen máıiti tabyldy. Qaıtys bolǵan adamnyń múrdesi saraptamaǵa berildi, dep habarlaıdy Reıter agenttigi brazılııalyq BAQ-qa silteme jasap.
Grekııa Syrtqy ister mınıstri Kırıakos Amırıdıstiń joǵalǵanyn rastady.
GLOBO telearnasy óz saıtynda órtengen aq tústi kóliktiń fotosyn jarııalady. Mashına dıplomat joǵalǵan Nova-Igýasý basqarma ornynda tabyldy. Beısenbi kúni brazılııalyq BAQ, Gretsııanyń Brazılııadaǵy elshiligindegi sheneýnikterge silteme jasap, úsh kún buryn 59 jastaǵy dıplomattyń jubaıymen birge Rıo-de-Janeıroda demalyp júrgen jerinen joǵalǵanyn málimdegen.
Globo-nyń málimdeýinshe, Amırıdıstiń jubaıy dıplomattyń úıinen shyǵyp ketip, qaıtyp kelmegenin aıtqan. Elshiniń demalysy resmı túrde 9 qańtar kúni aıaqtalady.
Elshilik qyzmetkerleriniń aıtýynsha, Amırıdıs sońǵy ret 26 jeltoqsan kúni, uıaly telefon qosymshasymen habarlama joldaý arqyly baılanysqa shyqqan. Árıne, habarlamany ózi jibermeýi de múmkin, dep atap ótti thetoc.gr
grekııalyq saıty.
Amırıdıs 2001 jyldan 2004 jylǵa deıin Grekııanyń Rıo-de-Janeırodaǵy konsýly bolǵan. 2016 jyldyń qańtar aıynan bastap elshi mindetin atqarýda, dep jazady Rıa Novostı agenttigi.
