Brazılııada Google prezıdenti qamaýǵa alynady
ASTANA. 27 qyrkúıek. QazAqparat - Seısenbi kúni Brazılııa soty Google korporatsııasynyń jergilikti bóliminiń prezıdenti Fabıo Joze Sılva Koelony qamaýǵa alý týraly úkim shyǵardy.
Nuevo Herald basylymynyń habarlaýynsha, ol aldaǵy ótetin mýnıtsıpaldyq saılaýǵa qatysatyn bir úmitker jaıyndaǵy YouTube-te ornalasqan jaǵymsyz beıneaqparatty óshirý týraly sot buıryǵyn oryndamaǵan. Bul týraly sheteldik BAQ-qa silteme jasap, BNews.kz habarlaıdy.
Aqparatta kórsetilgendeı, Google jergilikti bóliminiń prezıdenti Matý-Grossý-dý-Sýl shtatynyń ákimshilik ortalyǵy Kampý-Grandı qalasyndaǵy bir mýnıtsıpalıtet basshylyǵyna úmitkerge til tıgizgen.
Telegraf.by-dyń habarlaýynsha, sot 24 saǵat ishinde Kampý-Grandıdegi YouTube jumysyn ýaqytsha toqtatýdy talap etti.
Beınerolıkterde mýnıtsıpalıtet basshylyǵyna úmitkerdiń biriniń jasandy túsik, maskúnemdik, zańsyz jolmen baıýdy qoldaıtyndyǵy aıtylǵan.
Mýnıtsıpaldyq saılaý 2012 jyldyń 7 qazanynda Brazılııanyń 5 myńnan astam mýnıtsıpalıtetinde ótedi.
