Brazılııada fýtboldan Álem chempıonaty resmı túrde shymyldyǵyn ashty
SAN-PAÝLÝ-ASTANA. QazAqparat - Brazılııanyń San-Paýlý qalasyndaǵy "Arena Korıntıans" stadıonynda fýtboldan Álem chempıonatynyń ashylý saltanaty ótti, dep habarlaıdy "QazAqparat" tilshisi.
48 myń jankúıerlik stadıonda ótken saltanatty shara nebári 25 mınýtqa jalǵasty. Biraq onyń mazmuny óte aýqymdy ári qanyq bolǵandyǵyn aıta ketken jón. 600-den astam ártis Brazılııanyń maqtanyshy Amazonkada ómirdiń endi-endi jandana bastaǵan sátinen bastap, sonaý úndi halqynyń, ıspandyq jáne gollandııalyq jaýlap alýshylardy, keıingi túrli ult pen ulystardyń tatý ómirine deıingi tarıhı sátti kórsete bildi.
Baǵdarlamanyń basty hedlaınerleri álemge tanymal Djennıfer Lopes, Pıtbýl men brazılııalyq ánshi Klaýdıo Leıtte boldy. Olar Álem chempıonaty-2014 dodasynyń ánurany - We Are One (Ole Ola) ánin shyrqap berdi.
Endi bir saǵattan soń jarys qojaıyndary - Brazılııa quramasy Horvatııamen birge kezdesip, dodanyń alǵashqy matchyn ótkizetin bolady.
Aıta keteıik, Álem chempıonaty 12 maýsym men 13 shilde aralyǵynda ótedi.
Álem chempıonaty-2014 fınalyna barar jolda komandalar 8 topta ózara saıysqa túsedi.
«A» toby: Brazılııa, Horvatııa, Meksıka, Kamerýn.
«V» toby: Ispanııa, Gollandııa, Chılı, Avstralııa.
«S» toby: Kolýmbııa, Grekııa, Kot-d'Ivýar, Japonııa.
«D» toby: Ýrýgvaı, Kosta-Rıka, Anglııa, Italııa.
«E» toby: Shveıtsarııa, Ekvador, Frantsııa, Gondýras.
«F» toby: Argentına, Bosnııa men Gertsegovına, Iran, Nıgerııa.
«G» toby: Germanııa, Portýgalııa, Gana, AQSh.
«H» toby: Belgııa, Aljır, Reseı, Ońtústik Koreıa.
2014 jylǵy mýndıaldiń matchtary Brazılııanyń 12 qalasynda: Rıo-de-Janeıro, Resıfı, Salvador, San-Paýlý, Portý-Alegrı, Manaýs, Fortaleza, Natal, Belý-Orızontı, Brazılıa, Kýıaba, Kýrıtıba stadıondarynda ótpek.
