Brazılııada fýtbol jankúıerleri tóbelesip, 1 adam kóz jumdy

ASTANA. QazAqparat – Fýtboldan álem chempıonatynda Brazılııa jeńilip qalǵannan keıin jappaı tóbeleste 17 jasar qyz kóz jumyp, úsh adam zardap shekti, dep habarlaıdy QazAqparat tilshisi.

TASS habarlaýynsha, oqıǵa Brazılııanyń San-Paýlý shtatyndaǵy Barretýsh qalasynda boldy.

Brazılııa – Horvatııa matchy aıaqtalǵannan keıin saýda ortalyǵynda janjal týyndap, jappaı tóbeleske ulasqan. Janjaldasqandar saýda ortalyǵy syrtynda atysqa deıin barǵan. Sonyń saldarynan 17 jasar qyz oq jaraqatynan qaza tapty. Al onyń qurbysy ókpesinen jaraqat alǵan.

Polıtsııa málimetine qaraǵanda, oq atqan tórteý avtokólikpen oqıǵa ornynan boı tasalaǵan. Janjaldyń sebebi naqtylanbaǵan.

Eske sala keteıik, budan buryn Brazılııanyń bas bapkeri ornyn bosatqanyn jazǵan bolatynbyz.

Sondaı-aq Lıonel Messı álem chempıonattaryndaǵy onynshy golyn soqty.

Nıderland quramasyn joldan taıdyrǵan Argentına jartylaı fınalǵa shyqty.

Amerıkalyq jýrnalıst Nıderland-Argentına matchy kezinde kóz jumdy.

Foto: Sharıfýlın Valerıı/ TASS