Brazılııada fýtbol fanattary mingen avtobýs aýdarylyp, 7 adam qaza boldy
ASTANA. QazAqparat – Brazılııada «Korıntıans» fýtbol klýbynyń jankúıerleri mingen avtobýs aýdarylyp, 7 adam qaza tapty, dep habarlaıdy QazAqparat Globo-ǵa silteme jasap.
Jol apaty 20 tamyz kúni Belý‑Orızontı trassasynda bolǵan. Avtobýs Brazılııadaǵy chempıonat aıasynda ótken «Korıntıans» – «Krýzeıro» matchynan keıin San-Paýlýǵa bara jatqan. Іshinde 46 adam otyrǵan.
Oqıǵa ornynda 7 adam ajal qushyp, taǵy 10-y kólikte qysylyp qalǵan.
