Brazılııada Elbasynyń portýgal tiline aýdarylǵan kitabynyń tusaýy kesildi

Qazaqstannyń Brazılııadaǵy Elshiligi jáne Qazaqstan Respýblıkasynyń Tuńǵysh Prezıdenti - Elbasy qory Brazılııa Syrtqy ister mınıstrliginiń qoldaýymen Qazaqstannyń qalyptasýy men damýy, onyń halyqaralyq arenadaǵy róli týraly baıandaıtyn Memleket basshysy Nursultan Nazarbaevtyń «Táýelsizdik dáýiri» atty kitaby portýgal tiline aýdarylǵan nusqasynyń tusaýkeserin ótkizdi.

Іs-sharaǵa Ulttyq Kongrestiń músheleri - «Brazılııa-Qazaqstan» parlamentaralyq dostyq tobynyń jetekshisi senator Chıko Rodrıges jáne senator Krıstovam Býarke, Brazılııa Syrtqy ister mınıstriniń baılanys jáne mádenıet jónindegi orynbasary Marsııa Donner, Brazılııa SІM Reseı jáne Ortalyq Azııa departamentiniń dırektory Arı Kvıntella, «Aleksandr de Gýsmao qory» Ekonomıkalyq jáne saıası zertteýler ortalyǵynyń prezıdenti Roberto Goıdanısh, Yntymaqtastyq jónindegi brazılııalyq agenttik dırektorynyń orynbasary Demetrıo Karvalo, sondaı-aq Brazılııada akkredıttelgen dıplomatııalyq mıssııalardyń basshylary, qoǵam qaıratkerleri, akademııalyq jáne isker toptar jáne BAQ ókilderi qatysty.

Syrtqy ister mınıstriniń orynbasary Marsıa Donner ómiri men qyzmeti qazirgi Qazaqstannyń táýelsizdigi men damýymen tyǵyz baılanysty Prezıdent N.Nazarbaev kitabynyń portýgal tilindegi aýdarmasyna joǵary baǵa berdi. «Qazaqstanda elshi bolǵan kezimde men tamasha ádet-ǵuryptary bar jáne ór minezdi qazaqstandyq qoǵamnyń jetistikterin, ósýin jáne damýyn óz kózimmen kórdim. Bul kitap Brazılııa men Qazaqstan arasyndaǵy ózara yntymaqtastyq pen dostastyqty jaqsartýǵa yqpal etetinine senemin», - dedi brazılııalyq dıplomat.

Qazaqstannyń Brazılııadaǵy Elshisi Qaırat Sarjanov «Táýelsizdik dáýiri» portýgal tiline aýdarylǵan tuńǵysh qazaq kitaby bolǵanyn atap ótti. «Memleket basshysynyń eńbegi Qazaqstannyń qazirgi zamanǵy tarıhynyń belgisiz faktilerin ashyp qana qoımaı, bizdiń Prezıdentimizdiń minezin, qazirgi zamanǵy memlekettilikti qalyptastyrý men basqarýdaǵy sheshýshi, pragmatıkalyq jáne kóregen saıasatyn kórsetedi», - dedi elshi.

Reseı jáne Ortalyq Azııa departamentiniń dırektory Arı Kvıntella óz sózinde Qazaqstannyń halyqaralyq arenada erekshe orynǵa ıe ekenin basyp aıtty. «Qazaqstan prezıdenti kitabynyń tusaýkeseri Brazılııa Syrtyq ister mınıstrligiń «Aleksandr de Gýsmao qory» ekonomıkalyq jáne saıası zertteýler ortalyǵynyń zalynda ótkeni Qordyń halyqaralyq qatynastardaǵy keń aýqymdy taqyryptardy zertteý mindettemesine berik ekendigin rastaıdy. Kitaptyń portýgal tilindegi basylymy brazılııalyq keń aýdıtorııany qamtyp, bizdiń elimizdiń akademııalyq toptary arasynda ásirese tanymal bolatyny sózsiz», - dep qosty A.Kvıntella.

QR Tuńǵysh Prezıdenti - Elbasy qorynyń Halyqaralyq yntymaqtastyq departamentiniń dırektory Álkeı Marǵulanuly is-shara qatysýshylarynyń Qazaqstan tarıhyn zertteýge degen qyzyǵýshylyǵy úshin alǵys bildirip, kitap keń aýqymǵa baǵyttalǵanyn jáne táýelsiz Qazaqstannyń qurylýynyń negizgi kezeńderi týraly múmkindik beretinin atap ótti.

QR Tuńǵysh Prezıdenti - Elbasy qorynyń qoldaýymen kitapty tanystyrý rásimi shenberinde «Belgisiz Qazaqstan» fotokórmesi uıymdastyrylyp, qazaqstandyq mýzykant, qobyzshy, jas kompozıtor Almat Saıjan qazaq dalasynyń baýrap alatyn áýenderin oryndady.

Portýgal tilindegi «Táýelsizdik dáýiri» atty kitaby Brazılııanyń tanymal «Nova Alexandria» baspasynda basylyp shyǵaryldy