Brazılııada eki tikushaq áýede soqtyǵysyp, alty adam qaza tapty
ASTANA. KAZINFORM – Brazılııanyń Rekreıo-dýs-Bandeırantıs mańyndaǵy áýe keńistiginde eki tikushaq soqtyǵysty, dep habarlaıdy DW.
Órt sóndirý qyzmetiniń málimetinshe, tikushaqtardyń birinde bes adam, ekinshisinde ushqysh bolǵan. Apat saldarynan olardyń barlyǵy qaza tapty.
Qaza tapqandardyń arasynda brazılııalyq mýzykalyq prodıýser, argentınalyq beınerejısser, argentınalyq YouTube-bloger Gaspar Prım jáne álemdik týrnesi aıasynda Brazılııada júrgen amerıkalyq ánshi ári án avtory Olıver Trı bolǵan.
Six people were killed after two helicopters collided mid-air over Recreio dos Bandeirantes, southwest of Rio de Janeiro, Brazil. pic.twitter.com/e7eR8W5aOq
— World Source News (@Worldsource24) June 14, 2026
Oqıǵanyń sebepterin anyqtaý úshin tergeý amaldary bastaldy.
Soqtyǵysýdan keıin tikushaqtar elektromobılder satatyn avtosalonnyń avtoturaǵyna qulaǵan. Sonyń saldarynan shamamen 20 kólik órtenip ketti.
Derekkózdiń málimetinshe, máıitterdiń qatty kúıip ketýine baılanysty qaza tapqandardyń jeke basyn ázirge anyqtaý múmkin bolmaı otyr.
Aıta keteıik, ótken jyldyń sońynda AQSh-ta Enstrom F-28A jáne Enstrom 280C tikushaqtary Hammonton áýejaıy mańynda áýede soqtyǵysqan edi. Ol kezde ár áýe kemesiniń bortynda tek ushqyshtar bolǵan.
Al osydan eki kún buryn Úndistanda áskerı ushaq apatqa ushyrap, bes adam qaza tapty.
Ótken aıda AQSh-tyń Aıdaho shtatynda ótken áýe shoýy kezinde eki ushaq soqtyǵysty.
