Brazılııada eki avtokólik zaýyty órtenip jatyr

QYZYLORDA. KAZINFORM – Seısenbi kúni Brazılııanyń soltústik-batysyndaǵy Manaýs qalasyndaǵy eki avtokólik zaýytynda iri órt shyqty. Jalyn 20 saǵattan astam ýaqyt boıy sóngen joq jáne áli de tolyq aýyzdyqtalmady, dep habarlaıdy Kazinform SBT News arnasyna silteme jasap.

Manaýstyń ónerkásiptik aımaǵyndaǵy eki zaýytty otqa orandy. Oqıǵa ornynda júkti áıel zardap shekti. Qazirgi kezde qala aspanyn qara tútin basyp tur. 

Qyzyl jalyndy sóndirýge júzdegen órt sóndirýshi jumyldyryldy. Biraq zaýyttar aýmaǵynda boıaý, eritkish sııaqty janǵysh materıaldardyń bolýy olardyń jumysyn qıyndatyp otyr. 

Órttiń shyǵý sebebi áli belgisiz.  

Eske sala keteıik, buǵan deıin Ystanbuldaǵy Aııa-Sofııa meshiti órtenip kete jazdaǵanyn habarlaǵan edik.