Brazılııada daýyldan keıin mıllıonnan astam adam jaryqsyz qaldy

ASTANA. KAZINFORM - Sársenbige qaraǵan túni Brazılııanyń Rıý-Grandı-dý-Sýl shtatynda bolǵan kúshti tsıklonnyń saldarynan 1,1 mıllıonnan astam elektr tutynýshysy zardap shekti, bir adam qaza taýyp, 12-si jaraqat aldy, dep habarlaıdy RIA Novostı. 

«Nóser jańbyr men jel, burshaq, naızaǵaı saldarynan 1,1 mln-ǵa jýyq tutynýshy jaryqsyz qaldy», - delingen materıalda.

Shtat úkimetiniń aqparatyna sáıkes, daýyl Portý-Alegrıdegi Kashýeırınıa mýnıtsıpalıtetinde bir adamnyń ólimine sebep boldy - er adamnyń ústine ǵımarat shatyry qulaǵan.

Keıbir mýnıtsıpalıtetterde sońǵy táýlikte 100 mıllımetrden astam jańbyr jaýyp, jel ekpini saǵatyna 100 kılometrden asqan. Shtattyń azamattyq qorǵanys qyzmetiniń habarlaýynsha, 4840 adam zardap shegip, 12 adam jaraqat aldy, 48 turǵyn úılerin tastap ketýge májbúr boldy. Osy ýaqytqa deıin Rıý-Grandı-dý-Sýldyń 39 mýnıtsıpalıteti zaqym kelgeni nemese ózge de oqıǵalar týraly habarlady.

Qutqarýshylar óńirde taǵy da jańbyr jaýyp, daýyl soǵatynyn eskertti.