Brazılııada damba jarylyp, 150 adam iz-túzsiz ketti
ASTANA. QazAqparat - Brazılııada damba jarylyp, 150 adam iz-túzsiz ketti, dep habarlaıdy QazAqparat euronews agenttigine silteme jasap.
Oqıǵa eldiń ońtústik-batysyndaǵy Mınas-Jeıras shtatynda boldy. Damba temir óndiretin shahtanyń mańynda ornalasqan jáne onda qazbalardyń qaldyqtaryna qajet sý jınalatyn. Osy kezde tek 1 adamnyń ǵana mert bolǵany belgili. Alaıda qaıǵyly jaǵdaı bolǵan shtattyń gýbernatory qurban bolǵandar sany kóp bolýy yqtımal ekendigin aıtady.
Qutqarýshylardyń aıtýynsha, aman qalǵandardy qutqarý múmkindigi óte az. Qaıǵyly oqıǵaǵa baılanysty Brazılııanyń jańa saılanǵan prezıdenti Jaır Bolsonarý kóńil aıtty. Ol qutqarý jumystaryn úılestiretin arnaıy daǵdarys shtabyn qurý jóninde tapsyrma berdi.
Aıta keteıik, Brazılııada mundaı qaıǵyly jaǵdaı birinshi ret bolyp otyrǵan joq. 2015 jyly osy Mınas-Jeıras shtatynda metallýrgııa ónerkásibiniń qaldyqtarynan jınalǵan sý tosatyn eki damba jaryldy. Ol kezde 600 adam turyp jatqan aımaqty sý shaıyp ketti.
