Brazılııada burynǵy prezıdenttiń úıine tintý júrgizildi
ASTANA. QazAqparat - Brazılııalyq polıtsııa sybaılas jemqorlyqqa qarsy aýqymdy tergeý barysynda burynǵy prezıdent Lýıs Inasıo Lýla da Sılvanyń San-Paýlýdaǵy úıin tintidi. Sılva tergeý úshin ustaldy, dep habarlady BAQ.
Prezıdenttiń úıin tintý operatsııasyna 200-ge jýyq polıtseı men salyq qyzmetiniń 30 ókili qatysty.
Tintý eki shtatta júrgizildi. Polıtseıler sonymen birge prezıdent salǵan Sılva Instıtýtyn da tintip jatqany belgili.
Barlyq tintý jumystary Petrobras memlekettik munaı kompanııasyndaǵy jemqorlyq isimen baılanysty. Bul iske, tergeýdiń nusqasy boıynsha, birqatar joǵary laýazymdy sheneýniktiń qatysy bar.
Daý-damaı 2014 jyldyń kókteminde bastaldy. Ol kezde Petrobras jabdyqtaý boıynsha burynǵy dırektory Paýlý Roberto Kosta ustalǵan.
