Bostandyq músininiń Brazılııadaǵy kóshirmesi qatty daýyldan qulady

ASTANA. KAZINFORM — Brazılııanyń Gýaıba mýnıtsıpalıtetindegi Bostandyq músininiń kóshirmesin jel qulatty, dep habarlaıdy RIA Novostı.

— Gýaıbadaǵy Gavan dúkeniniń aldynda ornalasqan Bostandyq músininiń kóshirmesi daýyl kezinde qulady, — delingen aqparatta.

Aımaqta ekpini saǵatyna 90 shaqyrymǵa jetetin qatty daýyl turǵan.

Músinniń bıiktigi tuǵyrdy qosqanda 35 metr bolsa, qulaǵan bóligi — 24 metr. Tuǵyrynan opyrylyp túsken eskertkish qatty zaqymdanǵan. 

Apattyn eshkim zardap shekken joq, aýmaq qorshaýǵa alyndy.

Eske salaıyq, qyrkúıek aıynda Indonezııada mektep qulady. Oqys oqıǵadan úsh adam qaza tapty. Al 100-ge jýyq adam aýrýhanaǵa jatqyzyldy.