Brazılııada baspana baǵasy tómendedi
ASTANA. QazAqparat - Ulttyq valıýtanyń qunsyzdanýynan Brazılııada baspana baǵasy tómendedi, dep jazady khabar.kz.
Naýryz aıynda brazılııalyq real 20 paıyzǵa quldyrap, sońǵy 12 jyldaǵy eń tómengi kórsetkishke jetti. Al eldegi jyljymaıtyn múlik baǵasynyń tómendeýi sheteldik ınvestorlar úshin tamasha múmkindikke aınaldy. Óıtkeni qazir Rıo-de-Janeıroda baqýatty adamdar turatyn aýdandardaǵy turǵyn úılerge suranys artqan.
Alaıda, sarapshylardyń paıymdaýynsha, aldaǵy jylda jazǵy Olımpıada oıyndary ótetin Brazılııada baspanalardyń baǵasy qaıta kóterilýi ábden múmkin.
