Brazılııada avtobýs aýdarylyp, 11 adam qaza tapty
ASTANA. QazAqparat - Brazılııanyń Matý-Grosý shtatynda avtobýs apatynan 11 adam kóz jumyp, 26 adam jaraqattandy. Federaldyq jol polıtsııasynyń derekterine qaraǵanda, apat Kýıaba qalasyna jaqyn jerde oryn alǵan, dep habarlady TASS.
Tergeý bastaǵan polıtsııanyń aldyn ala shyǵarǵan nusqasyna sáıkes avtobýs júrgizýshisi uıyqtap ketip, kúrt burylystaǵy jol belgilerin ótkizip alǵan da oqys burylýyna týra kelgen. Saldarynan kólik jol shetine shyǵyp ketip, aýdarylǵan.
Oqıǵanyń mán-jaıy anyqtalýda.
