Brazılııada aýmaǵy 430 sharshy metr araldy tórt myńnan astam jylan meken etip otyr (FOTO)
ASTANA. QazAqparat - Ǵalymdar Brazılııanyń Keımada-Grandı aralyn bizdiń ǵalamsharymyzdyń eń qaýipti jeri dep ataǵan. Araldyń qaýiptiligi onyń aýmaǵyn basyp alǵan ýly jylandarda bolyp otyr.
Aýmaǵy 430 sharshy metr aralda tórt myńnan astam jylan meken etýde. Bul reptılııalar óte ýly: bir shaqqany tinderdiń bir sátte jansyzdanýyna aparyp soqtyrady, al ýy bolsa, deneni kúıdirip jiberedi.
Brazılııanyń bıligi aralǵa barýǵa qatań tyıym saldy.
