Brazılııada aspannan jańbyr ornyna órmekshi jaýdy
ASTANA. 11 aqpan. QazAqparat - Brazılııanyń Santo Antonıo da Platına (Santo Antonio da Platina) qalasynda erekshe tabıǵı qubylys boldy.
Aspannan jańbyr ornyna órmekshi jaýdy, dep habarlady Baq.kz.
Jańbyr jaýǵan sátte aǵashtarda jáne elektr togyn taratýshy symdarda órmekshiler qaptap ketken. Jeksenbi kúni 20 jastaǵy veb-dızaıner Erık Reıs dalaǵa shyqqanda óz kózine ózi senbegen. Ol aspannan japalaq-japalaq qar sekildi órmekshilerdiń túsip jatqanyn baıqaıdy.
Erık órmekshi jańbyrynyń beınekórinisin YouTube-ke salyp, «Men órmekshilerdiń aspannan túsý sebebin túsine alar emespin. Biraq endi olarǵa zertteý júrgizip, qorytyndysyn osy jerde taǵy jarııalaıtyn bolamyn»,- dep jazady. Bir-eki kún ishinde beınematerıal kóptiń nazaryn ózine aýdaryp ta úlgeripti.
«Aspannan jaýǵan órmekshiler Anelosimus Eximius túrine jatady. Bul órmekshiler Ońtústik Amerıkanyń tropıkalyq aýmaǵynda kóp kezdesedi. Olardy «áleýmettik órmekshiler» dep te ataıdy. Anelosimus Eximius túrine jatatyn órmekshiler osylaı toptasyp júrip, iri oljaǵa kenelý úshin úlken tor qurǵandy unatady» - deıdi jergilikti bıolog ǵalymdar. Sarapshy órmekshi jańbyrynan esh qaýip joq ekenin, biraq mundaı jaıttar kóp kezdespeıtin qubylys ekenin aıtqan.
