Brazılııada aptap ystyqtan balyqtar qyrylyp jatyr
ASTANA. QazAqparat - Ǵalamdyq jylyný Brazılııanyń Rıo-de-Janeıro qalasynda ekologııalyq apat týdyrýda. Kúnniń ystyqtyǵynan shahar mańyndaǵy kólderdiń birinde 15 myń tonna balyq qyrylyp qaldy, dep habarlaıdy Habar 24.
Sebebi, qaladaǵy aýa temperatýrasy 40 gradýstan asyp ketken. Sarapshylardyń aıtýynsha, osydan keıin kóldegi ottegi azaıyp, apatty jaǵdaıǵa ákelgen. Al aqparat quraldarynyń habarlaýynsha, 5 jyl buryn balyqshylar osyndaǵy kólden 65 myń tonna óli balyq aýlaǵan. Biraq ol kezde balyqtardyń qyrylýyna nóser sebep bolǵan. Óıtkeni shelektep quıǵan jaýynnan kólge zııandy qaldyqtar kelip túsken.
