Brazılııada Álem chempıonaty Kýbogynyń kóshirmesin órtep jiberdi
ASTANA. QazAqparat - Brazılııada Álem chempıonaty qarsańynda kezekti oqys oqıǵa boldy. Belgisiz bireýler Brazılııa quramasy bazasynyń mańyna qoıylǵan bıiktigi 6 metr bolatyn Álem chempıonatyn Kýbogynynyń kóshirmesine ot qoıǵan, dep habarlaıdy championat.com-ǵa silteme jasaǵan kazsporttv.kz.
Teresopolıs meri qylmysty jasaǵan jáne oılastyrǵan adamdardy tabý úshin bar kúshti salatynyn málimdedi.
Aıta keteıik, bul Brazılııadaǵy vandalızmniń alǵashqy deregi emes. Buǵan deıin, úrlemeli fýtbol doptary men mýndıaldiń resmı tumary - Fýleko zardap shekti.
Esterińizge sala keteıik, fýtboldan Álem chempıonaty 12 maýsym men 13 shilde aralyǵynda Brazılııanyń 12 qalasynda ótedi. Dúbirli dodany Rıo-de-Janeıro, Resıfı, Salvadore, San-Paýlý, Portý-Alegrı, Manaýse, Fortaleze, Natale, Belý-Orızontı, Brazılıa, Kýıabe jáne Kýrıtıbe qalalary qabyldaıdy.
