Brazılııada adam tózgisiz ystyq: termometr baǵany 52,5°C-qa kóterildi

Aptaq ystyqqa baılanysty Brazılııanyń 3000 qalasynda qaýiptiń qyzyl deńgeıi jarııalandy. Termometr baǵany bes kúnnen astam ortasha temperatýradan 5°C-qa joǵary bolýy múmkin, ol adam densaýlyǵy úshin asa qaýipti. Kazinform bul týraly VVS-ge silteme jasap habarlaıdy. 

Rıo-de-Janeıro men oǵan jaqyn mańdaǵy aýdandarda rekord ornap, termometr baǵany 52,5°C-qa deıin kóterildi.

Jumaǵa deıin sozylatyn aptap ystyqtan júz mıllıonnan astam adam zardap shegip otyr.

Mundaı ystyqqa El-Nıno tabıǵı fenomeni men klımattyń ózgerýi sebep bolǵan.

Ulttyq meteorologııa ınstıtýtynyń (Inmet) dereginshe, seısenbi kúndiz San-Paýlý qalasynda 37,3°C ortasha aýa temperatýrasy tirkeldi.

Aptap ystyq saldarynan Brazılııada energııany paıdalaný rekordtyq joǵary deńgeıge jetti.

Ótken aptada jarııalanǵan Inmet zertteýi elde shilde men qazan aralyǵyndaǵy ortasha aýa temperatýrasy ádettegiden joǵary bolǵanyn kórsetti.

Ǵalymdardyń pikirinshe, parnıktik gaz qaldyqtary saldarynan klımat ózgergendikten, endi aptap ystyq qarqyndy bolady ári jıi kezdesedi.