Brazılııada 2016 jylǵy Olımpıada oıyndary alaýynyń dızaıny kórsetildi
ASTANA. QazAqparat - Brazılııa Prezıdenti Dılma Rýsseff 2016 jylǵy Olımpıada oıyndaryna arnalǵan alaýdyń dızaınyn kórsetti.
Brazılııa kóshbasshysynyń aıtýyna qaraǵanda, alaýdy 300 brazılııalyq qala arqyly ótkizý mártebesi 12 myń adamǵa buıyrady.
Alaý tórtke bólingen. Onyń árbiri kúnniń, qyrattardyń jasyl belesiniń, teńiz ben jerdiń sımvoly, delingen Rıo-de-Janeırodaǵy Oıyndardy uıymdastyrý komıtetiniń resmı saıtynda.
Alaý jetkiziletin sońǵy pýnkt Rıodaǵy Marakana stadıony bolmaq. Munda 2016 jylǵy 5 tamyzda oıyndardyń ashylý saltanaty ótedi.
