Brazılııada 2 jolaýshylar poıyzy soqtyǵysty
ASTANA. QazAqparat - Brazılııada 2 jolaýshylar poıyzy soqtyǵysty. Sońǵy málimet boıynsha, oqys oqıǵa saldarynan 229 adam jaraqat alǵan.
Jol apaty Rıo-de-Janeıro shtatynyń Meskıta ózin-ózi basqarý aýmaǵyndaǵy stantsııada bolǵan. Qala mańyna qatynaıtyn poıyz shoıyn jolda toqtap turǵan sátte oǵan artynan kele jatqan otarba kelip soǵylǵan.
Abyroı bolǵanda, adam shyǵyny joq. Buǵan soqqan poıyzdyń baıaý kele jatqany sebep bolsa kerek. Barlyq zardap shekkender jeńil jaraqat alǵan. Qazir olar jaqyn jerdegi aýrýhanalarǵa jetkizildi. Apattan keıin osy baǵyttaǵy temirjol qozǵalysy toqtap qaldy, dep jazady khabar.kz.
