Brazılııada 13 jastaǵy bala akýla shabýylynan qaza tapty
ASTANA. KAZINFORM – Beısenbi kúni Brazılııanyń soltústik-shyǵysynda ornalasqan Olında qalasyndaǵy Praııa-del-Chıfre jaǵajaıynda 13 jastaǵy bala akýla shabýylynan qaza tapty, dep habarlaıdy Xinhua aqparat agenttigi.
Pernambýký shtaty medıtsınalyq bıliginiń málimetinshe, jasóspirim bul aımaqta akýla shabýylynyń jıi bolatyny týraly eskertý belgilerine qaramastan dostarymen birge sýǵa shomylyp júrgen. Kýágerlerdiń aıtýynsha, akýla artynan shabýyl jasap, aýyr jaraqat salǵan. Bala Olındadaǵy aýrýhanaǵa jetkizilip, kóp qan joǵaltyp, qaıtys bolǵan.
Akýlalarǵa qatysty oqıǵalardy baqylaý jónindegi memlekettik komıtettiń málimetinshe, 1992 jyldan beri Pernambýkýda 82 akýla shabýyly bolǵan, onyń 27-si adam ólimimen aıaqtalǵan.
Bılik ókilderi Resıfı men Olında jaǵajaılarynda akýlalarmen kezdesý qaýpiniń joǵary bolýyna baılanysty júzýge tyıym salatyn eskertý belgileri ornatylǵanyn atap ótti. Bul aýdandar týrıster arasynda ásirese karnaval maýsymy kezinde erekshe tanymal.
Buǵan deıin Aýstralııa jaǵajaılary akýla shabýyldaryna baılanysty jabylǵanyn jazdyq.
2025 jyldyń qarasha aıynda Aýstralııada sportshy akýla shabýylynan qaza tapty.