Brazılııada 10 jyldyń ishinde ımmıgranttar sany eki ese ósti
ASTANA. 29 sáýir. QazAqparat - Brazılııada turatyn ımmıgranttar sany sońǵy 10 jyldyń ishinde eki ese ósti, dep habarlady reseılik «Jańalyqtar» agenttigi.
Keshe Brazılııanyń úkimettik geografııa jáne statıstıka ınstıtýty jarııalaǵan 2010 jylǵy jalpy halyq sanaǵynyń málimetteri osyny kórsetedi.
Vedomstvonyń málimetteri boıynsha, Latyn Amerıkasynyń iri osy elinde 2010 jyly 286 myńnan astam sheteldikter turǵan. Salystyratyn bolsaq, 2000 jyly olardyń sany 143 myń 644 adamdy quraǵan bolatyn. Sóıtip, ımmıgratsııanyń ósýi 10 jylda 86,7 paıyzǵa jetken.
Sanaq málimetterine sáıkes ımmıgranttar sany óndirisi damyǵan Brazılııanyń ońtústik-shyǵys jáne ońtústigindegi shtattarda - San-Paýlý, Mınas-Jeraıs jáne Paranada joǵary bolǵan. Olarǵa elde turatyn sheteldikterdiń jartysynan astam úlesi tıedi. Tórtinshi orynda - Rıo-de-Janeıro.
Brazılııadaǵy ımmıgranttardyń eń kóbin AQSh-tan kelgender (51 myń adam) quraıdy, ekinshi orynda - japondyqtar (41417), odan ári Paragvaı azamattary (24 myń) jáne Brazılııamen tili, tarıhy jáne dástúrli mádenıeti ortaq jáne ekonomıkalyq baılanystarynda jeńildetilgen vızalyq rejımi áreket etetin portýgalııalyqtar (21376) bolyp otyr.
