Brazılııada 1 mln-ǵa jýyq adam sherýge shyǵyp, prezıdenttiń otstavkaǵa ketýin talap etti
ASTANA. QazAqparat - Rıo-de-Janeıro jáne basqa da qalalarda Brazılııa Prezıdenti Dılma Rýssefftiń otstavkaǵa ketýin talap etkender qatary mıllıon adamǵa jetip qaldy, dep jazady VVS agenttigi.
Sherý eldiń 18 qalasynda jáne astanasynda ótip jatyr. Eń iri narazylyq sherýi San-Paýlý qalasynda ótýde. Onda kóshege júz myńdaǵan adam shyqty. Narazylyq sherýge qatysýshylar Brazılııa Prezıdentin eldegi eń iri Petrobras kompanııasynda jaqynda daýǵa aınalǵan sybaılas jemqorlyq isine qatysy bar dep aıyptaıdy.
