Brazılııa jaǵalaýyndaǵy akýlalardyń aǵzasynan kokaın tabyldy

ASTANA.KAZINFORM – Brazılııa jaǵalaýynan aýlanǵan akýlalardyń aǵzasynan kokaın tabyldy. Bul týraly VVS jazdy. 

Zertteýshiler Rıo-de-Janeıro mańynda ustalǵan 13 brazılııalyq akýla tinderine bıohımııalyq taldaý jasady. Olardyń báriniń bulshyq etteri men baýyrynan kokaınniń joǵary mólsheri anyqtaldy. 

Bul preparattyń jáne birqatar basqa psıhostımýlıatordyń izderi teńiz mekendeýshileriniń aǵzasynan buryn da tabylǵan, biraq bul joly kokaınniń kontsentratsııasy burynǵy kórsetkishten 100 esege jýyq joǵary boldy. 

Sarapshylardyń paıymdaýynsha, kokaın muhıtqa kárizderden nemese jasyryn zerthanalardan, ne tikeleı esirtki tutynýshylardyń nájisimen túsedi dep sanaıdy. 

Kontrabandashylar joǵaltqan nemese teńizge tastaǵan kokaın bolýy da ábden múmkin. 

Sara Nove, Leırııa polıtehnıkalyq ýnıversıtetiniń Teńiz jáne qorshaǵan orta ǵylymdary ortalyǵynyń toksıkology zertteý nátıjeleri úreı týǵyzatynyn aıtty. 

Ótken jyly Anglııanyń ońtústik jaǵalaýynan alynǵan teńiz sýynyń úlgilerinen de kúdikti hımııalyq zattar tabyldy, onyń ishinde kokaın tutynǵannan keıin baýyrdan bólinetin benzoılekgonın de bar.