Brazılııa túrmesinen 470 tutqyn qashyp ketti
ASTANA. QazAqparat - Brazılııanyń San-Paýlý shtatyndaǵy Jardınopolıs qalasynyń túrmesinen tutqyndardyń jappaı qashýy oryn aldy, dep jazady REGNUM AA.
Oqıǵa 29 qyrkúıek kúni tańerteń bolǵan. Tutqyndar ereýilge shyǵyp, túrmedegi aǵash sheberhanasyn órtegen. Jappaı tártipsizdikterden keıin 470 tutqyn túzeý mekemesi aýmaǵynan qashyp shyqqan.
Shtat basshylyǵynyń málimdeýinshe, 30 qyrkúıek kúni keshki ýaqytta 338 qashqyn ustaldy, qalǵandary áli de bostandyqta júr.
Túrme kameralarynyń shekten tys tolýy ereýilge sebep bolǵan. 1038 tutqynǵa arnalǵan mekemede 1860 adam ómir súrgen.
