Brazılııa soty 11 jasar ul balany qyz dep tanyǵan
ASTANA. QazAqparat - Bala kezinen beri ózin qyz dep oılaǵan, esimi atalmaı otyrǵan 11 jasar brazılııalyq ul balaǵa týý týraly jańa kýálik berilip, onda onyń jynysy áıel dep beriledi.
Osyndaı sheshimdi sýdıa Anderson Kandıotto shyǵarǵan, Brazılııada osyǵan uqsas oqıǵalar eshqashan oryn alǵan joq, dep habarlaıdy LifeNews. Sýdıa eń bastysy - eldiń árbir turǵyny ózin baqytty seziný ekenin aıtty.
«Másele ota jasatý men jynys organdaryn ózgertý týraly emes, balanyń ózin qyz dep oılaıtyny jáne basqalarǵa solaı kórinetininde», - dep túsindirdi sýdıa Folha de São Paulo basylymyna.
Anderson Kandıottonyń pikirinshe, Brazılııada azamattardyń namysy men abyroıyn qorǵaý, jáne de eń bastysy - olardyń ózderin baqytty sezinýi eń negizgi prıntsıpterdiń biri bolyp tabylady.
