Brazılııa senatorlary Qazaqstandaǵy prezıdent saılaýyna óz baǵasyn berdi
Syrtqy saıası vedomstvo basshysy ótken saılaý - Qazaqstannyń halyqaralyq áriptester úshin ashyq progressıvti el ekenin, demokratııalyq elde ómir súrý jáne eńbek etý erkindiginiń aıqyn kórinisi ekenin atap ótti.
Brazılııa Prezıdentiniń Senattaǵy ókili sanalatyn F. de Assıs Rodrıges prezıdent saılaýy joǵary uıymdastyrýshylyq deńgeıde ótkenin atap ótip, ýchaskelerdegi daýys berý kezeńinde protsestiń transparenttiligin kóz etti. J. Vagner Qazaqstan Ortalyq saılaý komıssııasynyń júrgizgen jumysyna joǵary baǵa berdi. Onyń pikirinshe, ótken saılaý nátıjeleri Qazaqstannyń demokratııalyq damý baǵytyndaǵy berik ustanymyn kórsetedi.
Kezdesý barysynda taraptar Qazaqstan-Brazılııa ekijaqty qarym-qatynasynyń ózekti máselelerin talqylap, olardyń parlamentaralyq quramdastaryna erekshe nazar aýdardy.
Brazılııa Senatyndaǵy Qazaqstanmen yntymaqtastyq jónindegi Parlamenttik toptyń jetekshisi F. de Assıs Rodrıges Qazaqstanmen birlese ekijaqty qarym-qatynasty nyǵaıtýǵa, tájirıbe almasýǵa jáne mańyzdy halyqaralyq bastamalardy ilgeriletýge daıyn ekenin aıtty.
SІM basshysy parlamentaralyq dıplomatııadaǵy qarym-qatynasty damytýdyń mańyzyn atap ótip, Brazılııa - Latyn Amerıkasyndaǵy Qazaqstannyń basty saýda seriktesi ekenin aıtty. Ol brazılııalyq parlamentshilerdi saýda-ekonomıkalyq baılanystardy keńeıtýge belsendi túrde járdemdesýge shaqyrdy. «Qazatomónerkásip «UAK» AQ jáne «Embraer» sııaqty iri kompanııalardyń eki el naryǵyndaǵy tabysty qyzmetin atap óte otyryp, mınıstr:
«Ótken jyly Qazaqstannyń Brazılııamen ekijaqty taýar aınalymy 150 mıllıon AQSh dollarynan asty. Bul kórsetkishtiń ósýi mańyzdy perspektıvaǵa ıe», - dep atap ótti.
