Brazılııa prezıdentine taǵy bir ota jasalady
ASTANA. KAZINFORM – Brazılııa prezıdentine beısenbi kúni taǵy bir ota jasalady, dep habarlady onyń dárigeri. Bul týraly Kazinform BBC-ge silteme jasap habarlaıdy.
Lýıs Inasıý Lýla da Sılva jazataıym oqıǵaǵa ushyraǵannan keıin (prezıdent qazan aıynda rezıdentsııasyna qulap, basynyń aýyrǵanyna shaǵymdanǵan) bassúıek ishine qan quıylyp, seısenbide mıyna shuǵyl ota jasaldy.
San-Paýlýdaǵy «Sırıo-Lıbanes» aýrýhanasynyń habarlaýynsha, ota sátti ótti jáne 79 jastaǵy Lýlanyń jaǵdaıy jaqsy.
Dáriger Roberto Kalıldiń aıtýynsha, ota qan ketý qaýpin azaıtý úshin qajet. Onyń aıtýynsha, ota josparlanǵan jáne salystyrmaly túrde qarapaıym, ol shamamen bir saǵatqa sozylady.
