Brazılııa prezıdentiniń júregine ota jasaldy
ASTANA. QazAqparat - Brazılııa prezıdenti Mıshel Temerdiń júregine juma kúni túnde shuǵyl ota jasaldy.
Bul týraly memleket basshysynyń baspasóz qyzmeti málimdedi, dep habarlaıdy TASS .
«Prezıdent Mıshel Temerge juma kúni keshkisin (24 qarasha) stentti ornatý arqyly úsh koronarlyq arterııalardyń angıoplastıkasy jasaldy. Ota sátti ótti», - delingen málimdemede.
Budan buryn Temerdiń birneshe medıtsınalyq tekserýden ótý úshin aýrýhanada jatqandyǵy habarlanǵan edi.
