Brazılııa prezıdentiniń oryntaǵyna eki saıasatker áıel talasýda
ASTANA. QazAqparat - Brazılııada jalpyǵa ortaq saılaý naýqany ótip jatyr. 143 mıllıonǵa jýyq saılaýshylar Parlamenttiń tómengi palatasynyń jáne Senattyń úshten bir bóliginiń quramyn anyqtamaq.
Eń basty qyzyǵýshylyqtar memleket basshysynyń oryntaǵynan úmitkerlerdiń mańynda órbýde. Oǵan negizgi kandıdattar - eldiń qazirgi prezıdenti Dılma Rýssef pen sotsıalıster kóshbasshysy Marına Sılva bolyp otyr. Rýsef óziniń ornyn saqtap qala alady degen boljamdar aıtylýda. Sebebi, ol eldegi áleýmettik saıasatty, atap aıtqanda kedeıshilikpen kúresti nátıjeli júrgize bilgen, ári Brazılııanyń halyqaralyq yqpalyn arttyra alǵan saıasatker. Qoldaǵy málimetterge sáıkes, eldiń qazirgi prezıdentine saılaýshylardyń shamamen 40 paıyzy óz daýystaryn berýge ázir. Alaıda birinshi týrda jeńiske jetý úshin bul jetkiliksiz. Latynamerıkandyq respýblıkanyń jańa kóshbasshysynyń esimi tek 26 qazannan keıin belgili bolmaq, dep habarlaıdy Vestı.
