Brazılııa prezıdentine masqa taqpaǵany úshin aıyppul salyndy
NUR-SULTAN. QazAqparat – Álem elderi oqýshylardy koronavırýsqa qarsy vaktsınalaýǵa daıyndalyp jatyr. Brazılııa prezıdentine masqa taqpaǵany úshin aıyppul salyndy, dep habarlaıdy QazAqparat.
AQSh balalardy vaktsınalaýdy josparlap otyr. Amerıkanyń Moderna kontserni 12-17 jas aralyǵyndaǵy jasóspirimderge koronavırýsqa qarsy vaktsınany qoldanýǵa ruqsat alý úshin Eýropalyq odaqqa qujattardy tapsyrýǵa nıetti. Qazirgi ýaqytta Eýropalyq dári-dármekter agenttigi (EMA) nemistiń BioNTech kompanııasy men onyń amerıkalyq seriktesi Pfizer-diń vaktsınany 12-15 jas aralyǵyndaǵy jasóspirimderge egýge ruqsat berý ótinishin qarastyrýda.
Pandemııa aldynda barlyǵy teń. Brazılııa prezıdenti Djeır Bolsonarý Maranıan shtatynda ótken jappaı is-sharaǵa qatysyp, onda maskasyz júrgeni úshin aıyppul tóleıdi. Prezıdentpen kezdesýge 500-ge jýyq adam qatysty. Bul shtatta qatysýshylar sany 100 adamnan asatyn kez kelgen jınalystarǵa tyıym salynǵan.
Jasóspirimderdiń COVID-19 ınfektsııasyn juqtyrýyn toqtatý úshin Germanııanyń Densaýlyq saqtaý mınıstrligi mektep oqýshylaryn vaktsınalaýǵa daıyndalyp jatyr. Vedomstvo mektep jasyndaǵy balalardy egý úshin vaktsına qoryn qurýǵa shaqyrdy. Maqsat – tamyz aıynyń sońyna deıin, ıaǵnı jańa oqý jyly bastalar aldynda oqýshylardy ımmýndaýdy qamtamasyz etý. Pandemııa bastalǵaly beri Germanııada koronavırýstyń 3 648 958 jaǵdaıy jáne 87 380 ólim tirkeldi.
