Brazılııa Prezıdenti Medvedevpen kezdesýde hattama erejelerin buzdy
ASTANA. 21 aqpan. QazAqparat - Brazılııa Prezıdenti Dılma Rýsseff Reseı Premer-mınıstri Dmıtrıı Medvedevpen kezdesýi kezinde hattamanyń bolmashy buzýshylyǵyna jol berdi, dep habarlady Reseı Jańalyqtar agenttigi.
Kelissózderdiń barlyq resmı jáne iskerlik bóligi qatań jospar boıynsha ótti, alaıda jýrnalıster Brazılııa Respýblıkasynyń basshysy Medvedevti bir týflımen qarsy alǵanyn baıqady.
Belgili bolǵandaı, birneshe kún buryn Salvador qalasynda ótken karnaval barysynda Rýsseff shalynyp qulap, aıaǵynyń bas barmaǵyn syndyryp alǵan. Aıaǵyna arnaıy tańǵysh salynǵannan keıin, oǵan dástúrli túflıdi kııý múmkin bolmady. Aqyrynda ol reseılik premerdi aıaq kıimniń bir syńarymen qarsy aldy, ekinshi aıaǵyna jabyq kelgen úı shárkeıin kııýge týra keldi. Jýrnalıster Rýsseff qyzyl pıdjak pen qara shalbarda sándi kóringenin, al turpady boıynsha ár túrli, biraq túsi birdeı aıaq kıimder kózge qatty túse qoımaǵandyǵyn aıtty.
