Brazılııa polıtsııasy áıgili «Lambada» ániniń oryndaýshysyn óltirýi múmkin kúdiktini ustady
ASTANA. QazAqparat - Brazılııa polıtsııasy 1989 jyly erekshe tanymal bolǵan «Lambada» ániniń oryndaýshysy Loalva Brazdy óltirýi múmkin degen kúdiktini qolǵa túsirdi. Ázirge aty-jóni kim ekeni aıtylmaı otyrǵan er azamat óziniń jasaǵan qylmysyn moıyndap otyr, dep jazady utro.ru.
Osy ýaqytta polıtsııa qyzmetkerleri oqıǵa bolǵan orynda tekserý jumystaryn júrgizip jatyr. Kisi óltirý áreketiniń sebep-saldaryn naqtylanýda.
Ánshiniń qatty kúıik shalǵan denesi 19 qańtardyń túninde onyń ıelegindegi qonaq úı mańyndaǵy kóliginen tabyldy.
Kýágerlerdiń aıtýlarynsha, túnde 2 nemese 4 adam ánshi men qonaq úıge kelýshiler turyp jatqan úıge kirgen. Aldyn ala málimetter boıynsha, qylmyskerler ánshini kólikke kúshtep otyrǵyzyp, ony órtep jibergen. Artynan olar ǵımaratty da órtegen.
Loalva Braz 1953 jyly Rıo-de-Janeıroda týǵan, keıinirek ol Frantsııaǵa kóship baryp, Kaoma pop-tobynyń ánshisi bolǵan. 1989 jyly atalmysh top «Lambada» ánin jazyp, ol álemdegi hıt-paradtarda tanymal ánderdiń qatarynan oryn aldy.
