Brazılııa Olımpıadasynda 85 myń adam qaýipsizdikti qamtamasyz etedi
ASTANA. QazAqparat - Tamyz aıynda brazılııalyq Rıo-de-Janeıro qalasynda ótetin Olımpıada oıyndaryndaǵy qaýipsizdikti 85 myń adam, sonyń ishinde 38 myń áskerı qyzmetshi qamtamasyz etpek. Bul týraly TASS ońtústikamerıkalyq eldiń qorǵanys mınıstri Aldý Rıbelýge silteme jasap habarlady.
20 myń áskerı qyzmetshi Rıo-de-Janeıroda, taǵy 18 myńy olımpıadalyq fýtbol matchtary ótetin bes qalaǵa tartylmaq. Bul jerde Brazılıa, Belý-Orızontý, Manaýse, San-Paýlý jáne Salvador qalalary týraly sóz bolyp otyr.
Bekitilgen shemaǵa sáıkes Rıo-de-Janeıro tórt qaýipsizdik aımaǵyna bólinedi: Barra, Deodoro, Marakana jáne Kopakabana.
Qorǵanys mınıstriniń sózine qaraǵanda, Brazılııadaǵy úkimetke qarsy tarap pen onyń jaqtastary uıymdastyrýy múmkin manıfestatsııalar oıyndardyń ótýine kedergi keltirmeıdi. "Meniń oıymsha, 2013 jyly bolǵan sııaqty qoǵamdyq aktsııalar ótpeıdi. Olımpıada tynysh ótedi", - dedi Rıbelý.
XXXI jazǵy Olımpıada 2016 jyly 5-21 tamyz aralyǵynda ótedi. Bul Ońtústik Amerıkada ótetin alǵashqy Olımpıada oıyndary bolady. Paralımpıada birneshe aptadan keıin: 7- 18 qyrkúıek aralyǵynda ótedi.
