Brazılııa men Ispanııada maımyl shesheginen 3 adam kóz jumdy

BRAZILIıA. QazAqparat – Brazılııa men Ispanııa úkimeti óz aýmaǵynda maımyl shesheginen qaza tapqandar týraly alǵashqy derek tirkelgenin málimdedi. Buǵan deıin Afrıka qurlyǵynan basqa elderde atalǵan vırýs saldarynan ólim jaǵdaıy bolmaǵan, dep habarlaıdy QazAqparat tilshisi VVS agenttigine silteme jasap.

Búginde Brazılııada 1066 adamnyń indet juqtyrǵany anyqtalǵan.

Sonymen qatar, taǵy 513 turǵyn maımyl sheshegin juqtyrdy degen kúdikpen tirkeýge alynypty. Al, atalǵan vırýstan 41 jastaǵy brazılııalyq kóz jumdy.

Ispanııada 3750 adam indettiń ilmegine ilingen. Onyń ishinde 120 turǵyn aýrýhanada em alyp jatyr.

Qazirgi tańda Ispanııada maımyl shesheginen eki adam qaıtys boldy.

Buryn habarlaǵanymyzdaı, Amerıka Qurama Shtattary maımyl sheshegin juqtyrý boıynsha kósh bastap tur.